आज या जिल्ह्यात विजांसह वादळी पावसाचा ईशारा, पहा कोनत्या जिल्ह्यांना अलर्ट

आज या जिल्ह्यात विजांसह वादळी पावसाचा ईशारा, पहा कोनत्या जिल्ह्यांना अलर्ट

राज्यात सध्या पावसासाठी पोषक हवामान आहे. आज (ता. १६) कोकण, मध्य महाराष्ट्र आणि मराठवाडा विजांसह पावसाची शक्यता असल्याने दक्षतेचा इशारा (येलो अलर्ट) हवामान खात्याकडून देण्यात आला आहे. त्यामुळे शेतकऱ्यांनी पिकांची काळजी घेनं आवश्यक आहे.

यामुळेच राज्यात पावसाळी वातावरण

तामिळनाडू आणि कोमोरीन भागात चक्राकार वाऱ्यांची स्थिती आहे. आग्नेय अरबी समुद्रात लक्षद्वीप बेटांजवळ समुद्र सपाटीपासून ५.८ किलोमीटर उंचीवर चक्राकार वारे वाहत असून, या वाऱ्यांच्या प्रभावामुळे लक्षद्वीप, केरळ, दक्षिण कर्नाटकच्या किनाऱ्यालगत रविवारपर्यंत (ता. १९) कमी दाबाचे क्षेत्र तयार होण्याचे संकेत आहेत.यामुळेच राज्यात विजांसह पावसाला पोषक हवामान झाले आहे अशी माहिती हवामान खात्याने दिली आहे.

खरेदी करा

आज या जिल्ह्यात पाऊस

आज (ता. १६) कोकणातील रायगड, रत्नागिरी, मध्य महाराष्ट्रातील धुळे, जळगाव, नाशिक, अहिल्यानगर, पुणे, सातारा आणि मराठवाड्यातील छत्रपती संभाजीनगर, जालना, बीड, धाराशिव, लातूर या जिल्ह्यात विजांसह पावसाची शक्यता असल्याने दक्षतेचा इशारा (येलो अलर्ट) देण्यात आला आहे. तर उर्वरित राज्यात तुरळक ठिकाणी विजांसह पावसाचा अंदाज वर्तवण्यात आला आहे.

मॉन्सून देशातून निघून जानार

नैऋत्य मोसमी वाऱ्यांची (मॉन्सून) परतीची वाटचाल अंतिम टप्प्यावर आली आहे. सोमवारी महाराष्ट्राच्या बहुतांश भागांतून मॉन्सून परतला आहे. मंगळवारी संपूर्ण पूर्वोत्तर राज्ये आणि ओडिशा, छत्तीसगडच्या काही भागांतून मॉन्सून माघारी फिरला आहे. आज (ता. १६) मॉन्सून संपूर्ण देशाचा निरोप घेण्याची शक्यता असून, दक्षिण भारतात ईशान्य मोसमी वारे (ईशान्य मॉन्सून) सक्रिय होण्याची शक्यता आहे…