मुख्यमंत्री माझी लाडकी बहीण योजना ई-केवायसी, शेवटची तारीख

मुख्यमंत्री माझी लाडकी बहीण योजना ई-केवायसी, शेवटची तारीख

मुख्यमंत्री माझी लाडकी बहीण योजनेत संपूर्ण पारदर्शकता आणण्यासाठी राज्य शासनाने ई-केवायसी (e-KYC) प्रक्रिया सुरू केली आहे. या प्रक्रियेअंतर्गत, लाभार्थ्याचे आधार कार्ड, तसेच तिच्या पती किंवा वडिलांचे आधार कार्ड ओटीपी (OTP) द्वारे पडताळून पाहिले जात आहे. याशिवाय, कुटुंबात कोणी शासकीय कर्मचारी किंवा पेन्शनधारक आहे का, महिलेचा जात प्रवर्ग कोणता आहे, आणि एका घरामध्ये एकापेक्षा जास्त लाभार्थी आहेत का, अशा अनेक महत्त्वाच्या माहितीची पडताळणी केली जात आहे.

खरेदी करा

मात्र ‘लाडकी बहीण’ योजनेच्या पोर्टलवर ओटीपी (OTP) एरर (Error) आणि इतर तांत्रिक अडचणींमुळे मोठ्या प्रमाणात महिलांना केवायसी (KYC) पूर्ण करता आली नाही. या सर्व परिस्थितीचा विचार करून, महिला व बालविकास मंत्र्यांच्या माध्यमातून अतिवृष्टीबाधित भागातील महिलांसाठी केवायसी करण्याची मुदत १५ दिवसांनी वाढवण्यास मंजुरी देण्यात आली आहे. त्यानुसार, जी मुदत निश्चित करण्यात आली होती, ती आता ५ डिसेंबरपर्यंत किंवा त्यापुढेही वाढविण्यात येऊ शकते.

लाडक्या बहीणींच्या ekyc चा सध्या एक महत्त्वाचा मुद्दा प्रलंबित आहे, तो म्हणजे ज्या महिलांचे पती किंवा वडील मयत आहेत, घटस्फोटित आहेत किंवा पती/वडिलांकडून ओटीपी मिळण्यास अडचणी येत आहेत, अशा विशेष प्रकरणातील महिलांची केवायसी अजून पूर्ण झालेली नाही. शासनाकडून या समस्येवर लवकरच तोडगा काढला जाईल, अशी माहिती देण्यात आली आहे. जोपर्यंत या प्रक्रियेत बदल होत नाही, तोपर्यंत अशा समस्या असलेल्या महिलांनी केवायसीसाठी थांबणे आवश्यक असून, त्या अंगणवाडी सेविका किंवा तालुका स्तरावरील कार्यालयात तक्रार नोंदवू शकतात…

केवायसी (KYC) केल्यानेच पैसे मिळतील किंवा पात्र ठरता येईल, असे अनेक संभ्रम महिलांमध्ये होते; मात्र केवायसी हे केवळ माहितीच्या पडताळणीसाठी आणि पारदर्शकतेसाठी आहे. योजनेच्या निकषांमध्ये न बसणाऱ्या महिलांनी केवायसी केली तरी त्या अपात्रच राहनार आहेत…

ताज्या बातम्या

लाडक्या बहीणींना खुशखबर, eKYC बाबत मोठा निर्णय