पुढील 3,4 तासात विजांसह पावसाचा अंदाज, या जिल्ह्यात जोरदार…
Ads
×
कॉल करा
₹ किंमत पहा
खरेदी करा
पुढील 3,4 तासात विजांसह पावसाचा अंदाज, या जिल्ह्यात जोरदार…महाराष्ट्राच्या बहुतांश भागातून मॉन्सूनने माघार घेतली आहे. राज्यात उन्हाचा चटका कायम असताना पावसासाठी पोषक हवामान झालं आहे. आज राज्यातील कोकण, मध्य महाराष्ट्र आणि मराठवाड्यात विजांसह पावसाचा अंदाज हवामानशास्त्र विभागाने दिला आहे.
आज कोकणातील रत्नागिरी, सिंधूदुर्ग मध्य महाराष्ट्रातील अहिल्यानगर, पुणे, कोल्हापूर, सातारा, सांगली, छत्रपती संभाजीनगर, जालना, परभाणी, बीड, हिंगोली, नांदेड, लातूर, धाराशिव जिल्ह्यात काही ठिकाणी विजांसह पावसाचा अंदाज आहे. तर ठाणे, रायगड, जळगाव, नाशिक जिल्ह्यात तुरळक ठिकाणी पावसाच्या हलक्या सरीचा अंदाज आहे. तर उर्वरित राज्यात मात्र कोरडे हवामानासह उन्हाचा चटका कायम राहण्याची शक्यता आहे.
गुरुवारी कोकणातील सिंधूदुर्ग, रायगड, मध्य महाराष्ट्रातील धुळे, जळगाव, नाशिक, अहिल्यानगर, पुणे, सातारा मराठवाड्यातील छत्रपती संभाजीनगर, जालना, बीड, लातूर, धाराशिव जिल्ह्यात काही ठिकाणी विजांसह पावसाचा अंदाज आहे. तर नांदेड, हिंगोली, परभणी, सोलापूर, सांगली, कोल्हापूर, नंदुरबार, सिंधुदुर्ग, मुंबई, ठाणे आणि पालघर जिल्ह्यात तुरळक ठिकाणी पावसाची शक्यता आहे.
तर शुक्रवारी पालघर आणि नाशिक जिल्ह्यात विजांसह पावसाचा इशारा देण्यात आला आहे. तर ठाणे, मुंबई, रायगड, सिंधुदुर्ग, रत्नागिरी, धुळे, नंदुरबार, जळगाव, अहिल्यानगर, पुणे, कोल्हापूर, सातारा, सांगली, सोलापूर, छत्रपती संभाजीनगर, जालना, परभणी,बीड, हिंगोली,नांदेड, लातूर, धाराशिव जिल्ह्यात तुरळक ठिकाणी हलक्या सरीची शक्यता आहे.
Ads
×
कॉल करा
₹ किंमत पहा
खरेदी करा
मॉन्सून पुढील २४ तासात संपूर्ण देशातून माघार घेण्याचा अंदाज आहे. आज मॉन्सूनच्या परतीची सीमा कारवार, कलबुर्गी, निजामाबाद, कांकेर, चांदबली दरम्यान आहे. नैऋत्य बंगालच्या उपसागरातील चक्राकार वाऱ्याची स्थिती कोमोरीन भागाकडे येणार असल्याने लक्षद्वीप, केरळ, दक्षिण कर्नाटकच्या किनाऱ्यालगत रविवारपर्यंत कमी दाबाचे क्षेत्र तयार होण्याचे संकेत आहेत. त्यामुळे पावसाला पोषक स्थिती निर्माण झाली आहे.
